《台語齒盤 - 台語輸入法》
簡單、方便、裝了隨用 ê 台語齒盤
簡單、方便、裝了隨用 ê 台語齒盤
台語齒盤是專為台語使用者設計 ê 手機仔拍字家私，支持 iOS 佮 Android 2 種系統。無論你習慣用白話字、教育部台羅，抑是直接拍出漢字，台語齒盤攏會當滿足你 ê 需要。
台語齒盤保證免費、無廣告，以後袂做付費功能。咱 ê 目標是 thui-sak 台語教育，予逐家輕輕鬆鬆用母語來拍字、寫文章、傳消息。
齒盤面頂有揤鈕通揤，白話字、台羅、英語切換誠利便。
一般 ê 情況第 1 个字會自動大寫，shift 揤鈕會反烏。連紲揤 Shift 鍵 2 改是 Caps Lock 模式，shift 揤鈕是烏色，圖示嘛無仝款，這時陣拍出來 ê 字攏會變大寫，閣揤 1 改才會改轉來小寫。
依據你 ê 使用習慣，選你佮意 ê 齒佈。
台語齒盤內底寄表情齒盤，拍字兼拍表情，加添拍字 ê 趣味。
拍字會連紲建議，免去想 2 个以上 ê 音節按怎拍。
特別設計「拍字記持詞庫」，拍過 ê 字攏會記起來，較捷拍著會出現佇頭前，愈久無拍，著會沓沓仔排佇後壁。
「拍字記持詞庫」加「連紲建議詞」功能，予輸入法愈拍愈巧。
定期翻新教典、公視台語新詞詞庫，上新 ê 台語詞攏揣有。
佇「詞庫」頁面會使選拍字使用 ê 詞庫，無仝詞庫收錄 ê 字有依家己 ê 特色。
依據教典 ê 資料標示台語異用字。
若關起來，拍 ê 羅馬字攏是小寫。
預設使用粉圓字骨，嘛有芫荽字骨通選。
專為台灣人 ê 拍字習慣設計，無用中国人寫 ê 拍字 ia̋n-jín，絕對 MIT。
無連網路、無偷錄你 ê 私人資料，請放心使用。
依據手機仔牌子升級上新 ê 版本，修理資安破空。
免錢、無廣告、袂做付費功能。
Android 佮 iOS 齒盤外觀有小可仔無仝，毋過使用體驗攏仝款。
若拍漢字，會自動使用全形標點符號，拍羅馬字會自動切去半形標點符號，建議 ê 候選詞會顯示佇頂頭，嘛會使褫開看較清楚。
【設定】>【一般/系統】>【齒盤】
點【齒盤】>【加入台語齒盤】>【允准完整取用】
※ 無仝牌子 ê 手機仔設定可能無仝，但是啟用方法攏差不多。
※ 「允准完整取用」是予齒盤會當捌你揤 ê 動作，成做你拍 ê 字，請放心，台語齒盤袂偷錄任何資料。
台語齒盤是 1 人團隊，目前由我 1 个人塌錢開發佮維護。若是你認同台語齒盤 ê 理念，歡迎贊助支持，予我有氣力繼續行落去，咱做伙為著台語打拼 💪。